I can’t afford to care, too poor!


لسان حال شعبك مبيقولش الكلام المنطقي اللي عمّال تقوله لاصحابك وعيلتك، لسان حال شعبك معقود ومشوه وبطّل يسأل. شعبك اتزنق لأنه دايماً جنب الحيطة عالرصيف لو سها للحظة هيقع في حفر خطوط الكهرباء والغاز أو بلاعة صرف…
شعبك اتزنق لأنه اتخيّر بين إنه يتعب عشان يلاقي حاجة ياكلها وحاجة تانية ينام عليها وحاجة تالتة يلبسها…
وحاجة رابعة تكيّفله دماغه بعد كل الخراء اللي عدّا فيه عشان يجيب أول تلات حاجات دول
أفيونة…أياً كانت بقى…مخدرات، فلوس، جنس، كورة، شغل، دين، جواز، تليفزيون…
شعبك بيمثلّك مشكلة لأنه عمره ما اتسأل انت عايز تعمل إيه كشعب، أو حتى كواحد من الشعب عايز تعمل إيه لنفسك؟ شعب ماعادش )عايز(
ما عادش عايز لأنه سمع وغرق في عنوان “الدنيا فانية”…يزهد في الدنيا، يتخلى عن حقوقه كمواطن، يرضى بعدم احترام آدميته…
ولو اديته الفرصة، هيموّت نفسه، لأنه حقير، عشان الوطن…الوطن اللي أهمله،وهو دايماً شايف أن الوطن ليه اهتمامات تانية أكبر منه مهما كبر هوّ…
يا إما بيقلب وبيعيش على استغلال اللي زيه واللي أقل منه اللي راقدين واللي هيرضوا بأي شر أو مصيبة تحصلّهم، يصفيهم ويدور على غيرهم ماهم كتير…
وبعد ما يعلى يحتقرهم، ويفصل نفسه عنهم، ويدوس عليهم عشان يفضلوا زي ما همّا ما يطمحوش لأي حاجة أفضل ماللي همّا فيه، حتى لو كان حقهم…
ولما يبصوا له من بعيد، يحسدوه، ويشتموه، حرامي مرتشي بلطجي…ويحقدوا عليه ويعددوا مساوئه…وفي نفس الوقت بيتمنوا يبقوا مكانه…

مشكلة الـ-لمؤاخذة- الدورة بتاعة حياة كل واحد مدخلاتها ومخرجاتها خرا…ومعالجة المدخلات خرا، والتعامل مع المخرجات وتقييمها خرا…غير الماكينة…جدد المنظومة ونظامها…اخلق دورة حياة جديدة…!

 When the operation of the machine becomes so odious, makes you so sick at heart, that you can’t take part, you can’t even passively take part.
You’ve got to put your bodies upon the wheels, upon the gears, upon the levers, upon all the apparatus and you’ve got to make it STOP!

Advertisements

Posted on December 7, 2012, in Everything. Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: